लन्डन– बेलायत छाडेर चुनावमा भाग लिन हिड्न लागेका नेपाली युवा व्यवसायी मनोज मेहताले आफू सस्तो लोकप्रियताको पछि नहिडेको बताएका छन् ।
लन्डन नेपाल न्यूज डट कमका लागि प्रधान सम्पादक शिव भण्डारीसँग भिडियो कुराकानी गर्दै मनोजले आफ्नो मातृभूमिलाई साँच्चिकै सुन्दर बनाउन चुनावमा भाग लिन लागेको बताए ।
१८ वर्ष बेलायतमा बिताएका मनोजले सुनसरीको इनरुवा नगरपालिकामा नेपाल लोकतान्त्रिक फोरम पार्टीका तर्फबाट मेयरमा उम्मेदवारी दिने तयारी गरेका छन् ।
ओसन सर्भिसेस लिमिटेडका निर्देशक मनोज मेहताले बेलायतमा करिब सयजनालाई रोजगारी दिइरहेका छन् ।
कांग्रेस हुँदै मधेस केन्द्रित दलमा आबद्ध भएका बुवा लक्ष्मण मेहता यसअघि नै राज्यमन्त्री भइसकेका छन् ।
