नेपालमा नाकाबन्दि गर्याे भने कति कराेड घाटा लाग्छ भारतलार्इ ?

काठमाडौं : संविधान निर्माणप्रति भारत सरकार बेखुसी भएपछि ‘नाकाबन्दी’ नै गर्ने हो कि भन्ने आशंका बढेको छ। भारतले हिजो विज्ञप्ति जारी गर्दै सुरक्षाका कारण सामान रोक्ने चेतावनी दिइसकेको छ। भारतले उसको देशबाट सामान निर्यात रोकेमा के हुन्छ?

एक बर्षमा नेपालले सात खर्ब ७४ अर्ब ६८ करोड रुपैयाँको बस्तु तथा सेवाहरु आयात गर्छ। यसमध्ये चार खर्ब ९१ अर्ब ६५ करोड रुपैयाँको आयात भारतबाट मात्रै भएको छ। नजिकको अर्को छिमेकी चीनबाट बर्ष दिनमा जम्मा एक  खर्बको सामान आयात भएको छ। भारत र चीन बाहेकका मुलुकबाट एक खर्ब ८२ अर्ब रुपैयाँको सामान आयात भएको छ।

कृषि प्रधान देश नेपाल भनिए पनि नेपालमा भारतबाट धान चामलदेखि यातायात साधन तथा यसका पार्टपूर्जासम्म आयात हुने गरेको छ। विद्युतीय सामान, मेशिनरी तथा पार्टपूर्जा पनि भारतबाटै ल्‍याइन्छ। नेपालमा धान चामल, नुन, पेट्रोलियम पदार्थ, फलफुल तथा तरकारीसमेत आयात हुने गरेको छ।