सिड्नी । नेपाली अभिभावक समाज अष्टर्ल अष्ट्रेलिया न्यू साउथ वेल्सले नेपालीहरुको महत्त्वपूर्ण चाड विजया दशमीको अवसरमा शुभकामना आदानप्रदान कार्यक्रम सम्पन्न गरेको छ । अक्टोबर ६ तारिख अष्टर्लको फुटबल पार्कमा सम्पन्न कार्यक्रममा लेपिङ्टन राज्यका एमपी नाथन ह्यागार्टीको प्रमुख आतिथ्यता रहेको थियो । समाजका वर्तमान अध्यक्ष मुरारी घिमिरेको अध्यक्षता रहेको कार्यक्रमको सञ्चालन गर्दै चन्द्र कायष्थले संस्थाको लक्ष्य, हालसम्म गरेका कार्यक्रम र भावि योजना बारेमा प्रकाश पारेका थिए ।
उनले यसका साथै पार्कमा सामुदायिक भबन निर्माण, शौचालय निर्माण, पार्कको नाम सगरमाथा माउण्ट एभरेष्ट राख्ने, अष्टर्ल पब्लिक स्कुलमा नेपाली भाषाको कक्षा सन्चालन गर्ने, एक्सपोसिउर भिजिटका लागि बसको व्यवस्थापन गरिदिने , लेपिङटन स्टेटले सन्चालन गर्ने कार्यक्रममा नेपाली अभिभावक समाजबाट पनि सहभागी गराउन नाथान सगं अनुरोध गर्ने लगायतका प्रस्तावहरु पेश गरेका थिए । ७० जना भन्दा बढीको सहभागीता रहेको कार्यक्रममा कार्यसमितिका पदाधिकारी, सल्लाहकारहरु डिबि थापा र शंकर राज भण्डारी तथा स्थानिय सल्लाहाकार सन्देशराज भण्डारी र भावना पराजुलीको पनि उपस्थिति रहेको थियो । प्रस्तावित अध्यक्ष चन्द्र कुमार कायस्थ बाट प्रस्तावना बुझ्दै एमपी न्याथनले लिभरपुल काउन्सिलसंग समन्वय गरेर मागहरूको सम्बोधन गर्ने प्रतिबद्धता जनाए । औपचारिक कार्यक्रम पश्चात नाचगान र मनोरञ्जनात्मक कार्यक्रम गरी दशैँको शुभकामना साटासाट गरिएको थियो ।
