शिव भण्डारी
लन्डन ।
लन्डन साउथ हारो स्थित गोल्डेनसिप रेस्टुरेन्टले भूकम्प पीडितलाई १६ लाख रुपैयां दिने भएको छ । रेष्टुरेन्टले आफ्नो स्थापनाको दोस्रो वार्षिकोत्सवका अवसरमा बुधवारसांझ आयोजित च्यारिटी डिनरमा संकलित रकम पीडितलाई दिने निर्णय गरेको हो ।
नेपालमा गएको महाभूकम्पका कारण विक्षिप्त नेपालीहरुको घाउमा मलम लगाउने उद्देश्यले आफ्नो बार्सिकोत्सवको अवसर पारी उक्त च्यारिटी डिनर गरिएको सञ्चालक सनत गुरुङले बताए ।
बुधबार सांझ आयोजित कार्यक्रममा उपस्थित पाहुनाहरुले भूकम्प पीडितका लागि स्वतस्फूर्त आर्थिक सहयोग गरेको रेष्टुरेन्ट संचालक मध्ये एक देव गुरुङले जानकारी दिए । सोही अवसरमा स्थापनाकालको दोस्रो बार्सिकोत्सवको स्मरण स्वरूप केक काटिएको थियो । कार्यक्रममा बेलायत स्थित नेपाली पत्रकारहरु चिरन शर्मा, बिमला सेने,शिव भण्डारी, रन्जित बस्नेत, उमेश निरौला र प्रतिभा गुरुङको बाक्लो उपस्थिति थियो ।
