अष्ट्रेलियामा अहिले अत्यधिक गर्मी छ । मानिसहरु गर्मीबाट राहत पाउनका लागि पौडी खेलिरहेका छन् । तर अत्यधिक गर्मीबाट बच्न सिड्नीको बेन्ट्स बासिनमा पौडी खेल्न गएका एक नेपालीले आइतबार आफ्नो ज्यान गुमाएका छन् ।
नाइन न्यूज डटकमका अनुसार स्थानीय समयानुसार बिहान साढे ११ बजे युवाको एक समूह पानीमा संघर्ष गरिरहेको देखेपछि आपत्कालीन सेवा बोलाइएको थियो ।
२० वर्षका अन्य तीन युवाको उद्दार गरिएको छ । तर २५ वर्षे नाम खुल्न नसकेका नेपालीको भने मृत्यु भएको छ । उनको शव दिउँसो साढे १ बजे भेटिएको हो ।
डिसेम्बर १ देखि अहिलेसम्म ७० बढीको डुबेर मृत्यु भइसकेको छ ।
