लन्डन– तीन वर्षपछि आफू माथि लगाइएका यातनासम्बन्धि दुई मुद्दामा गत साता सफाइ पाएका कर्णेल कुमार लामाले स्वदेश फर्कने तयारी सुरु गरेका छन् ।
लामाले लन्डनस्थित नेपाली दूतावासबाट ट्राभल डकुमेन्ट लिएको दूतावास श्रोतले जनाएको छ । निवेदन दिन आफैं पुगेका लामाको ट्राभल डकुमेन्ट दूतावासले सोमबार लामाको घर ठेगानामा पोष्ट गरिदिएको हो ।
लामाको पासपोर्टको म्याद सकिएकाले ट्राभल डकुमेन्टमार्फत यात्रा गर्न लागेका हुन् । महासेनानी लामाले नेपाल गएर पुन: सैनिक जागिर सुरु गर्नेछन् ।
तर, उनी कहिले नेपाल जान्छन् भन्ने चाहिं यकिन भइसकेको छैन् ।
दक्षिण सुडानस्थित संयुक्त राष्ट्रसंघको शान्तिस्थापक सेनामा खटिएका बेला छुट्टीमा परिवार भेट्न बेलायत आउँदा सन् २०१३, जनवरी ३ मा लामालाई लन्डन मेट्रोपोलिटन प्रहरीले पक्राउ गरेको थियो ।
तर, लामाको पीआरबारे सैनिक मुख्यालयमा प्रश्न उठेपछि जंगी अड्डाले काममा फर्काउनेबारे अध्ययन सुरु गरेको छ ।
