Photo by TOLGA AKMEN/AFP via Getty Images
लण्डन । बेलायतमा लामो समयदेखि लगाइएको लकडाउन सोमबारदेखि अन्त्य भएको छ ।
कोरोना सङ्क्रमणको अवस्था बढ्दै गएपछि विभिन्त तहमा लगाइएको लकडाउन आजबाट पूर्णरुपमा बन्द भएको हो । यद्यपि यहाँ यतिबेला कोरोनाको तेस्रो लहर चलिरहेको छ । संक्रमण दर दैनिक ५० हजार भन्दा माथि भएपनि खोप कार्यक्रमलाई प्रभावकारी बनाउँदै लकडाउन अन्त्य गर्ने निती सरकारले लिएको हो । देशमा कुल जनसङ्ख्याको ६८.३ प्रतिशत वयस्क, ८७.९ प्रतिशतले पहिलो डोज खोप लगाइसकेका छन् ।
प्रधानमन्त्री बोरिस जोन्सनले ‘फ्रिडम डे’ भनेर घोषणा गरेको आजको दिनदेखि बेलायतबासी हरेक क्रियाकलाप गर्न स्वतन्त्र छन् । यद्यपि स्वास्थ्य सुरक्षाका मापदण्डहरु भने अनिवार्य रुपमा पालना गर्न निर्देशन दिइएको छ । जून महिनामा लकडाउन अन्त्य गर्ने भनिएपनि भारतमा देखिएको डेल्टा भेरियन्टको कारण थप चार हप्ता लकडाउनको अवधि थप गरिएको थियो ।
यद्यपि लकडाउन खुलेकै दिन प्रधानमन्त्री जोन्सन आइलोसनमा बसेका छन् । उनकै मन्त्रीमण्डलका स्वास्थ्यमन्त्री साजिद जावेदलाई कोरोना देखिएको कारण उनी र अर्थमन्त्री ऋषि सूनक एकान्तवासमा बसेका हुन् ।
आजबाट सुरक्षा अपनाएर रेष्टुरेन्ट, नाइटक्लब, पार्टीहल हरु खुल्नेछन् । त्यस्तै सार्वजनिक कार्यक्रम गर्न पनि अनुमति दिइएको छ । सरकारले लकडाउन खुलाएसँगै बेलायतमा नेपालीहरुले आयोजना गर्ने ठूलो इभेन्ट गोर्खा कपको पनि तयारी अघि बढेको छ ।
जुलाई २४ मा गोर्खा कप आयोजना हुँदैछ ।
