संविधान संशोधनमाथि सैद्धान्तिक छलफल शुरु
काठमाडौं, वैशाख १३– सरकारले मधेशका जिल्लामा स्थानीय तहको संख्या थप्ने निर्णय फिर्ता लिएपछि संसदको अवरोध हटेको छ ।
सरकारले स्थानीय तह पुनरावलोकनका गरिएको परिपत्र फिर्ता लिएसँगै व्यवस्थापिका संसदको मंगलबारदेखि भएको अवरोध हटेको छ । स्थानीय तहको संख्या बढाउने निर्णय गलत भएको भन्दै प्रमुख विपक्षी दल एमालेले संसद बैठक अवरोध गर्दै आएको थियो ।
दिउँसो ३ बजे बस्ने गरी स्थगित संसद बैठक स्थगित भएको थियो । प्रमुख दलहरुबीच लामो छलफलपछि ११ जिल्लामा स्थानीय तह थप्न सम्बन्धित जिल्लामा पठाएको प्रस्तावलाई सरकारले फिर्ता लिएपछि संसद सूचारु भएको हो ।
संसदको अवरोध हटेपछि संसदमा प्रस्तुत गरिएको संविधान संशोधन विधेयकमाथि सैद्धान्तिक छलफल सुरु भएको छ ।
