गुल्मी, साउन १३ । अविरल बर्षासँगै आएको बाढी र पहिरोले गुल्मीमा एक साताभित्र १० जनाको मृत्यु भएको छ ।
बाढी र पहिरोबाट हस्तिचौर गाविसमा ४, हवाङदीमा ३, विशुखर्कमा २, दोहोलीमा एक र रेसुङ्गामा एक गरी १० जनाको मृत्यु भएको प्रमुख जिल्ला अधिकारी उदयबहादुर रानाले जानकारी दिए ।
बाढी र पहिरोपीडितलाई सुरक्षित स्थानमा सारिएको छ । जिल्ला विपद् व्यवस्थापन समितिले बाढी पहिरोबाट ज्यान गुमाएकाहरुका परिवारलाईप्रति परिवार ४० हजार रुपैयाँ वितरण गर्ने निर्णय गरेको छ ।
त्यसैगरी पूर्णरुपमा घर क्षति भएकाहरुलाई प्रतिघर पाँच-पाँच हजार रुपैयाँ उपलब्ध गराउने निर्णयसमेत गरेको छ ।
