सिड्नी । विश्व साईकल यात्री नेपालका दुई युवालाई अस्ट्रेलियामा साउथ वेष्ट नेपलिज कम्युनिटीले स्वागत गरेको छ । विश्वका १ सय १० देशको साईकल यात्रा पछि २ हप्ताअगाडी उनीहरु अस्ट्रेलिया आएका थिए । यहाँ स्थित विभिन्न राज्यमा साईकल यात्रा गर्दै हिँडिरहेका साइकल यात्रीद्धय अजय प्रसाद मिश्र र भरत खत्रीलाई साउथवेष्ट क्षेत्रमा स्वागत तथा सम्मान गरिएको कम्युनिटीका महासचिव प्रकाश पौडेलले लण्डन नेपाल न्यूजलाई जानकारी दिए ।
नेपालको मौलिकता, नेपाली माटो सुगन्ध, नेपाली कला, संस्कृतीलाई विश्व सामु प्रवद्र्धन गर्दै विश्व शान्ति र अनाथ बालबालिकाहरुलाई शिक्षा नारा सहित उनीहरुले अहिलेसम्म १ सय १० वटा देशको यात्रा सम्पन्न गरेका छन् । अस्ट्रेलियाको मेलवर्न, अल्वरी, न्वागा, क्यानवेरा हुँदै साईकल यात्रामा साउथवेष्ट पुगेका मिश्र र खत्रीलाई स्वागत सम्मानसंगै उनीहरुको भ्रमणलाई सफल बनाउन र विभिन्न ठाउँमा पुग्दा व्यक्तिगत व्यवस्थापनका लागि संकलित रकम समेत हस्तान्तरण गरिएको महासचिव प्रकाश पौडेलले जनाए । साईकल यात्रीद्धयले आफ्नो विश्व भ्रमणको उद्धेश्य र अनुभव सुनाउँदै अस्ट्रेलियामा यस अभियान सफल बनाउन सक्दो सहयोग गर्न सम्पूणर् नेपालीहरुलाई अनुरोध गरेका थिए ।कार्यक्रममा साउथ वेष्ट नेपलिज कम्युनिटी अध्यक्ष चतुर्भुज खरेल एनआरएनए अस्ट्रेलियाका पूर्व अध्यक्ष नन्द गुरुङ, साउथ वेष्ट नेपलिज कम्युनिटीका प्रवक्ता चन्द्र प्रसाद ढकाल, सल्लाहकार नगेन्द्र अधिकारी, कृष्ण गैरे, प्रदिप लामा सहित नेपाली अभिभावक कल्याण समाज लेपिंटनका पदाधिकारीहरुको उपस्थिति रहेको थियो । उक्त्त अवसरमा सहयोग अभियानमा सहयोग गर्नुहुने चतुर्भुज खरेल ,निराजन थापा लगायत अप्रत्यक्ष रुपमा हातेमालो गर्दै सहयोग गर्ने सम्पूणर्लाई धन्यवाद व्यक्त गरिएको थियो । कार्यक्रममा सहभागीहरुले नेपाललाई विश्व सामु चिनाउने महान अभियान बोकेर हिँडेका साईकल यात्रीहरुलाई सहयोग गर्ने प्रतिबद्धता जनाए । वि.स. २०६१ सालबाट सुरु भएको विश्व साईकल यात्राका दुई यात्रीहरुले अस्ट्रेलियाका विभिन्न प्रान्त तथा ठाउँहरुमा साईकल यात्रा मार्फत आफ्नो अभियानमा सहभागी हुन र सहयोग गर्न अनुरोध गरेका थिए ।
