काठमाडौं । म्याडग्यास्करका एक जना मन्त्रीले हेलिकप्टर समुद्रमा दुर्घटना परेसँगै १२ घण्टा पौडिएर ज्यान जोगाएका छन् ।
देशको उत्तरपूर्वी क्षेत्रमा डुबेको एउटा यात्रुवाहक पानीजहाजको खोजी कार्यमा हेलिकप्टर खटिएको थियो।
अधिकारीहरूले मङ्गलवार बताए अनुसार कम्तीमा ३९ जना यात्रुहरू उक्त घटनामा मारिएका छन्।
ट्विटरमा राष्ट्रपति आन्ड्री राजोउलीनाले मृत्यु भएकाहरूप्रति शोक व्यक्त गरेका थिए। उनले गेल र जीवित अन्य दुई अधिकारीहरूप्रति पनि श्रद्धाञ्जली अर्पण गरेका थिए।
गेल र ती दुई अधिकारी पछि समुद्र नजिकैको छुट्टाछुट्टै सहरमा पौडेर आइपुगेका थिए।
सोमवार भएको दुर्घटनाको कारण स्पष्ट भइसकेको छैन तर ५७ वर्षका गेलले आफूले रात साढे सात बजेबाट बिहान साढे सात बजेसम्म पौडिएको बताए।
म मर्ने बेला भएको छैन, थकित देखिएका प्रहरीमन्त्री सर्जे गेलले स्ट्रेचरबाट भने।
उनीसँगै यात्रा गरिरहेका सुरक्षा निकायका दुई अधिकारीहरू पनि दुर्घटनामा बच्न सफल भएका छन्।
उनले आफूलाई चोट नलागेको तर जाडो भएको बताए।
