लन्डन । कतारमा शुक्रबार राती सम्पन्न ग्राण्ड फिनालेमा पहिलो ‘नेपाल आइडल’ घोषित बुद्ध लामा बेलायत आउने भएका छन् ।
मनकामना रेमिटका निर्देशक राजाराम गिरी र पोखरा ट्राभलका निर्देशक ज्ञाम गुरुङको निमन्त्रणामा आउन लागेका लामाको बेलायतमा ६ शहरमा शो हुने भएको हो ।
नेपाल आइडल फस्ट रेड कार्पेट शो आगामी २७ अक्टोबर शुक्रबार एसियन कम्युनिटी हल प्लमस्टिडमा गर्ने तय भएको छ । त्यसैगरि २८ अक्टोबरमा रेडिङ, २९ स्वीन्डन, ३ नोभेम्बर एम्पायर हल अल्डरसट, ४ नोभेम्बरमा हकिन्ज कम्युनिटी हल फोकस्टन र अन्तिम नोभेम्बर ५ आइतबार लन्डन हयारोमा शो हुने भएको छ । शोबाट बचेको पैसा आयोजकले बाढी पीडितलाई दिने बताएका छन् ।
