काठमाडौं– महान्यायाधीवक्ता रमन श्रेष्ठले राजीनामा दिएका छन् । उनले प्रधानमन्त्री शेरबहादुर देउवालाई राजीनामा पत्र बुझाएको बताए ।
श्रेष्ठले आफूलाई नियुक्त गर्ने तत्कालीन प्रधानमन्त्री पुष्पकमल दाहालले राजीनामा दिएपछि समेत अर्को प्रधानमन्त्रीको कानुनी सल्लाकार बनेर नयाँ नजीर स्थापना गरेका छन् । उनको पालामा सरकारी वकिलहरुको क्षमता विकास, मुद्दा अभियोजन व्यवस्थित बनाउने तयारी, प्रहरी र सरकारी वकिलबीच समन्वयकारी संयन्त्र निर्माणको काम भएका थिए ।
त्यस्तै उच्च अदालतमा न्यायाधीश नियुक्तिका क्रममा सरकारी वकिलहरु नपरेको भन्दै उनले इजलाश बहिष्कार आन्दोलनको नेतृत्व गरेका थिए । उनले पूर्वप्रधानन्यायाधीश सुशीला कार्कीमाथि महाभियोग लगाउने प्रस्ताव अघि बढाउन सक्रिय भूमिका खेलेका थिए ।
