Top Advertisement
Top Advertisement
Top Advertisement
Top Advertisement

साहित्यमय बन्यो नेपाली दूतावास

साहित्यमय बन्यो नेपाली दूतावास
londan nepal

लन्डन– सधैँ विभिन्न खाले कार्यक्रम भइरहने लन्डनस्थित नेपाली दूतावासमा शुक्रबार भने फरक आवाज गुन्जिए ।

नेपाल र बेलायतबीच दौत्य सम्बन्ध स्थापनाको द्विशतवार्षिकी पूरा भएको उपलक्ष्यमा बेलायतस्थित नेपाली दूतावासले साहित्यिक कार्यक्रम गर्‍यो । कार्यक्रममा साझा प्रकाशनबाट प्रकाशित विभिन्न पुस्तक प्रदर्शनी आयोजना गरेको छ । प्रदर्शनी तीन दिनसम्म चल्नेछ । प्रदर्शनीमा विभिन्न तीन हजार पुस्तक समावेश गरिएका छन् ।

प्रदर्शनीमा पूर्वउपप्रधान एवं परराष्ट्रमन्त्रीसमेत रहेका माओवादी केन्द्रका नेता नारायणकाजी श्रेष्ठ, मधेसी जनअधिकार फोरम लोकतान्त्रिकका नेता जितेन्द्र देव सहभागी भए । उनीहरुले सरकारी निकायबाट भएका प्रयासको प्रशंसा गर्दै यस्ता कार्यले नेपाल र बेलायतबीचको दौत्य सम्बन्ध थप विस्तार हुने विचार व्यक्त गरे ।

साझा प्रकाशनका अध्यक्ष तथा महाप्रबन्धक डोलिन्द्रप्रसाद शर्माले दूतावासले आफ्नो संस्थालाई स्थान दिएर साहित्यिक कार्यक्रम आयोजना गरेकामा आभार व्यक्त गरे ।

बेलायतका लागि नेपाली राजदूत डा दुर्गाबहादुर सुवेदीले साझा प्रकाशन र नेपालका साहित्यिक कृतिलाई युरोपका अन्य मुलुकमा पनि लैजान आफूले पहल गर्ने बताए । कार्यक्रमा राजदूतको सम्पादनमा प्रकाशित ‘बेलायतमा नेपाली कवि र कविता’ पुस्तकको विमोचन पनि गरिएको थियो ।

कार्यक्रममा बेलायतका करिब ४ दर्जन बढीले कविता वाचन गरेका थिए भने डा. माइकल हट र बासु शर्माले नेपाली साहित्य सम्वन्धि कार्यपत्र प्रस्तुत गरेका थिए । कार्यक्रममा नाटक जीगिसा मञ्चन गरियो ।

अन्य समाचारहरू

X

Pin It on Pinterest

X
Like us on Facebook