Top Advertisement
Top Advertisement
Top Advertisement
Top Advertisement
Top Advertisement
Top Advertisement

बडीबल्डिंग प्रतिष्पर्धामा हिमाल भुजेल च्याम्पियन

बडीबल्डिंग प्रतिष्पर्धामा हिमाल भुजेल च्याम्पियन

लण्डन । यूके नेपाल फेडेरेसन अफ बडीबल्डिंग एण्ड फिटनेस (यूकेएनएफबिएफ) ले आयोजना गरेको छैठौं मिस्टर यूके नेपाल २०१८ मा हिमाल भुजेल च्याम्पियन भएका छन् ।

शनिबार अल्डरसटमा आयोजित प्रतियोगितामा अन्य प्रतिस्पर्धिहरुलाई उछिन्दै भुजेलले १ हजार पाउण्ड नगदको पुरस्कारसहित ट्रफी हात पारे ।

त्यसैगरि प्रतियोगितामा दोस्रो स्थान लोक गुरुंग र तेस्रो स्थान कुमार गुरुंगले ओगट्न सफल भएका छन् भने दोस्रो हुनेले ५ सय र तेस्रो हुनेले ३ सय पाउण्ड नगद र ट्रफी प्राप्त गरे ।

प्रतियोगिता अन्तर्गत इण्डिभिजुएल रुट इन र पोजिंग गरी विभिन्न दुई चरणमा प्रतिस्पर्धा गराइएको थियो ।

विजेताहरुलाई आयोजक यूकेएनएफबिएफ अध्यक्ष किशोर गुरुंग, एनआरएन यूके उपाध्यक्ष , तमु धि यूके अध्यक्ष ज्ञाम गुरुंग लगायतले पुरस्कार वितरण गरेका थिए ।

त्यसअवसरमा गत वर्षका विजेता प्रणय गुरुंगले गेस्ट पोजिंग प्रस्तुत गरेका थिए । मनोरञ्जनका लागि मोडल अनिता लिम्बू र प्रिया गुरुंगले नृत्य तथा सुदेन गुरुंगले गायन प्रस्तुत गरेका थिए ।

हरेक वर्षजस्तै यस वर्ष पनि प्रतियोगीहरुलाई प्रशिक्षण गराउन मिस्टर यूके नेपाल सानु गुरुंग नेपालबाट बेलायत आएका थिए । यो प्रतियोगिताको संयोजन आयोजक यूकेएनएफबिएफका उपाध्यक्ष सुक गुरुंगले गरेका थिए ।

प्रतियोगिता प्रत्यक्ष हेर्न ४०० सय बढि दर्शक उपस्थित रहेको आयोजक किशोर गुरुंगले  जनाएका छन् ।

picture: HAB

 p

अन्य समाचारहरू

Pin It on Pinterest

Like us on Facebook