Top Advertisement
Top Advertisement
Top Advertisement
Top Advertisement
प्रमुख समाचार

पत्रकार चिरन शर्माले आईसीसी सदस्यमा उम्मेदवारी दिने

पत्रकार चिरन शर्माले आईसीसी सदस्यमा उम्मेदवारी दिने
Chiran

लन्डन– बेलायतमा सक्रिय पत्रकारिता गरिरहेका सञ्चारकर्मी चिरन शर्मा गैरआवासिय नेपाली संघ एनआरएन यूकेको आगामी अधिवेशनमा आईसीसी सदस्यमा उम्मेदवार हुने भएको छन् ।

बाग्लुङको अमलाचौर घर भएका शर्मा हाल लण्डनबाट नागरिक दैनिकमा संवाददाता रहेका छन् ।

शर्माले गैरआवासीय नेपाली संघको केन्द्रीय नेतृत्वसँगसमेत निकट रहेको बताउँदै एनआरएन अभियानसँगको लामो अनुभव र सकृयताको कारणले पनि आफूले आईसीसी सदस्यमा उम्मेदवारी दिने निचोडमा पुगेको बताए । संघको संगठानिक व्यवस्थापन तथा विधि र विधानलाई सकृय रुपमा कार्यन्वयन गरि राष्ट्रिय समिति र आइसीसी बीचको संरचनालाई अझ सशक्त र संस्थागत बनाउन पहल गर्ने शर्माले बताए । उनले गैरआवासीय नेपाली संघ यूकेको ९ सेप्टेम्बर महिनामा हुने अधिवेशनमार्फत केन्द्रीय नेतृत्वमा जाने बाटो तय गरेका हुन् ।

सन् २००२ मा अध्ययनको सिलसिलामा बेलायत आएका शर्मा गैरआवासीय नेपाली संघ यूकेमा १७ सेप्टेम्बर २००५ आबद्ध भएका हुन । एनआरएन यूके कार्यसमिति सदस्य सन् २००७ मा नै भैसकेका उनी बेलायतको आयोजनामा गैरआवासीय नेपाली संघ यूरोप पहिलो सम्मेलन आयोजक समितिको उपसंयोजक भएर काम गरिसकेका छन् । शर्मा गैरआवासिय नेपाली अभियानलाई निकै नजिकबाट नियाल्ने मध्येमा पर्दछन ।

हाल गैरआवासीय नेपाली संघ यूकेको सल्लाहकार रहेका शर्मा गैरआवासीय नेपाली संघको केन्द्रीय नीति तथा अनुगमन समितिको सदस्यका रुपमा योगदान गर्दै आएका छन । पत्रकार महासंघ यूके शाखा र एनआरएन यूकेद्धारा संचालित एनआरएन पत्रकारिता पुरस्कारको अक्षयकोष संचालन समितिको सदस्य भई सकेका उनी गैरआवासिय नेपाली संघको अन्तर्राष्ट्रिय हरेक गतिविधिलाई नजिकबाट नियालेका शर्मा एनआरएनकै माध्यमबाट समाजसेवामा पनि पाईला अगाडि बढाएका छन् ।

शर्मा एनआरएन यूकेको मुखपत्र ‘सात समुद्रपारि’, नेपाल ब्रिटेन डट कम, लन्डन पोस्ट, चौतारी, नागरिक दैनिक, नेपाली टीभी यूकेलगायतसँग आबद्ध थिए ।

अन्य समाचारहरू

X

Pin It on Pinterest

X
Like us on Facebook