Top Advertisement
Top Advertisement
Top Advertisement
Top Advertisement
Top Advertisement
Top Advertisement

निर्वाचन तयारीमा जुट्यो पत्रकार महासंघ यूके, निर्वाचन कार्यक्रम प्रकाशित

निर्वाचन तयारीमा जुट्यो पत्रकार महासंघ यूके, निर्वाचन कार्यक्रम प्रकाशित

लन्डन– नेपाल पत्रकार महासंघ यूके शाखाको चौथो अधिवेशनको निर्वाचन कार्यक्रम प्रकाशित भएको छ ।

निर्वाचन समितिका संयोजक विजय थापाको अध्यक्षतामा लन्डनमा बसेको बैठकले आगामी मे १९ मा हुने अधिवेशनका लागि निर्वाचनका कार्यक्रम प्रकाशन गरिएको हो ।

निर्वाचन कार्यक्रमअनुसार मे ५ तारिख शनिबार दिउँसो १२ बजे मतदाता नामावली प्रकाशन, सोही दिन दिउँसो २ बजेसम्म मतदाता नामावलीमा दाबी विरोध र साँझ ५ बजे अन्तिम मतदाता नामावली प्रकाशन गरिने छ ।

उम्मेदवारको मनोनयन मे १३ आइतबारका दिन दिउँसो १० बजेदेखि २ बजेसम्म एभरेष्ट ल सोलिसिटर्स, इलिंग ब्रोडवेमा हुने छ । उम्मेदवारीमाथि दाबी विरोध र नाम फिर्ता सोही दिन दिउँसो ५ बजेसम्म गर्न तोकिएको छ भने उम्मेदवारको अन्तिम नामावली साँझ ६ बजे प्रकाशन गरिने बताइएको छ ।

मतदान मे १९ तारिखका दिन एम्पायर ब्यांक्वेटिङ हलमा बिहान १० देखि दिउँसो १ बजेसम्म र निर्वाचन परिणाम घोषणा ४:३० बजे गरिने छ ।

उम्मेदवारी दर्ताका लागि अध्यक्षका लागि २०० पाउण्ड, वरिष्ठ उपाध्यक्ष, उपाध्यक्ष र महासचिवका लागि १७५ पाउण्ड, सचिव, कोषाध्यक्ष र सह-कोषाध्यक्षका लागि १५० पाउण्ड तथा सदस्यका लागि १०० पाउण्ड उम्मेदवारी शुल्क तोकिएको छ ।

सोलिसिटर राजु थापा, निवर्तमान अध्यक्ष चिरन शर्मा तथा विकलचन्द्र आचार्य र दुत पुन निर्वाचन समितिमा छन् ।

अन्य समाचारहरू

Pin It on Pinterest

Like us on Facebook